समाधान संवाददाता, पोखरा

गण्डकी प्रदेश सभाका ३ सांसदलाई कोरोना संक्रमण देखिएको छ । काेराेना रिपाेर्ट पाेजेटिभ आउने सांसदमा सत्तारुढ दल एमालेका राजीव पहारी र प्रभा काेईराला छन् भने प्रमुख प्रतिपक्षी दल नेपाली कांग्रेसका मनकुमारी गुरुङ छन् ।

संसद सचिवालयकी १ कर्मचारीमा पनि काेराेना संक्रमण पुष्टी भएकाे छ ।

हिजाे एमाले सांसद राजीव पहारीले नै प्रदेश सभासद र सचिवालयका कर्मचारीकाे काेराेना परिक्षण गरेर मात्र संसद चलाउन माग गरेका थिए । लगत्तै संसद अवरुद्ध भएकाे थियाे ।

त्यसपछि सबैकाे स्वाब संकलन गर्ने सहमति भए अनुसार हिजै स्वाब संकलन गरेर प्रयाेगशालामा पठाइएकाे थियाे । ती मध्ये ४ जनामा काेराेना संक्रमणकाे पुष्टी भएके हाे ।

सांसदहरुले भने आआफ्नो कोरोना रिपोर्ट पाइसकेका छन् । एमाले सांसद इन्द्रधारा विष्टले आफूहरुले कोरोना रिपोर्ट पाएको बताए । ‘हामीले आआफ्नो रिपोर्ट पाएका छौं, सबैको केके आयो त थाहा छैन,’ उनले भने ।

परीक्षणमा पोजेटिभ देखिने सांसदले सदनमा बोल्न नपाउने तर अविश्वास प्रस्तावमा मत हाल्न पाउने गरी समितिले निर्णय गरेको हो ।

बुधबार सांसदहरुको कोरोना परीक्षणको नतिजा आएपछि दिउँसो १ बजे बस्ने गरी सदन डाकिएको छ ।

मंगलबार एमाले सांसदहरु बैठकको सुरुआतमै उठेर आपत्ति जनाएका थिए । सांसद राजीव पहारीले कोरोना परीक्षणबिना बैठक राखिन नहुने तर्क गरेका थिए ।