राष्ट्रिय जनमोर्चाको माउ पार्टी नेकपा मसालका महामन्त्री मोहनविक्रम सिंहलाई कोरोना भाइरस रोग कोभिड १९ संक्रमण भएको छ । सिंह काठमाडौंमै होम आइसोलेसनमा रहेको पार्टीका प्रवक्ता रामप्रकाश पुरीले बताएका छन् ।

‘उहाँमाथि संक्रमणको प्रारम्भिक अवस्था छ र सुधार उन्मुख दिशामा बढिरहेको छ,’ पुरीले जारी गरेको प्रेस वक्तव्यमा भनिएको छ, ‘दुई दिनअगाडि अक्सिजनको लेबल धेरै कम भएकोमा अहिले केही बढेको अवस्था छ ।’

महामन्त्री सिंह राष्ट्रिय जनमोर्चाकी सांसद दुर्गा पौडेलका पति हुन् । सिंहको हेरचाहमा रहेकी पौडेलले सोमबार प्रतिनिधिसभा बैठकलाई सम्वोधनसमेत गरेकी थिएन् । उनै दुर्गाले हाल सिंहको हेरचाह गरिरहेकी छिन् । वयोवृद्ध अवस्थाका नेता सिंह मधुमेहका बिरामीसमेत हुन् ।