पृथ्वीसुब्बाले लिए मुख्यमन्त्रीको सपथ

समाधान संवाददाता २०७८ वैशाख २९ गते १८:१५

नेकपा एमाले संसदीय दलका नेता पृथ्वीसुब्बा गुरुङ फेरि मुख्यमन्त्री नियुक्त भएका छन् ।

प्रदेश प्रमुख सीता पौडेलले उनलाई भर्खरै पद तथा गोपनियताको सपथ गराइएकी छन् ।

प्रदेश प्रमुख पौडेलले प्रदेश सभाको सबैभन्दा ठूलो दल एमालेलाई अल्पमतको सरकार गठन गर्न आव्हान गरेपछि गुरुङले दोश्रो पटक मुख्यमन्त्री बनेका हुन् ।

विपक्षी दलहरुले अविश्वास प्रस्ताव दर्ता गरेपछि बैशाख २६ गते उनले मुख्यमन्त्रीबाट राजीनामा गरेका थिए । गुरुङले राजीनामा दिएपछि प्रदेश प्रमुख पौडेलले २६ गते दिउसो ४ बजे ७२ घण्टाको समय दिदैं बहुमतको सरकार गठनका लागि दलहरुलाई आव्हान गरेकी थिइन् ।

यो अवधिमम बहुमतको सरकार बनाउन कांग्रेस संसदीय दलका नेता कृष्णचन्द्र नेपालीले प्रयास गरे पनि जनमोर्चाका कृष्ण थापा र खिमविक्रम शाहील्े साथ नदिएपछि उनी सफल भएनन् । उनलाई कांग्रेस, माओवादी केन्द्र र जसपाको साथ थियो । जनमोर्चाको मत एकै ठाउँमा नहुँदा नेपाली मुख्यमन्त्री बन्न पाएनन् ।

मुख्यमन्त्री गुरुङले प्रदेश सभाबाट एक महिनाभित्रमा विश्वासको मत लिनुपर्ने हुन्छ ।

तपाईको प्रतिक्रिया