समाधान संवाददाता, पाेखरा ।

नेकपा एमालेका अध्यक्ष केपी शर्मा ओलीले थप १२ जना नेतालाई २४ घण्टे स्पष्टीकरण साेधेका छन् ।

शेरबहादुर देउवालाई प्रधानमन्त्री बनाउन माग गर्दै हस्ताक्षर गर्ने २३ जना सांसद मध्ये ११ जनालाई कारवाही गरिसकेका ओलीले बाँकी रहेका १२ जनालाई पनि कारवाही प्रकृया अघि बढाएका हुन् ।

पार्टी केन्द्रीय कार्यालय सचिव शेरबहादुर तामाङका अनुसार आज घनश्याम भुषाल, सुरेन्द्र पाण्डे, विरोध खतिवडा, झपट रावल, जीवनराम श्रेष्ठ, सोमप्रसाद पाण्डे, दीपकप्रसाद भट्ट, कृष्णलाल महर्जन, नारायण खतिवडा, मेटमणी चौधरी, भवानीप्रसाद खापुङ र यज्ञराज सुनुवारलाई स्पष्टीकरण साेधिएकाे छ ।

२४ घण्टे स्पष्टीकरण साेधेका ओलीले भाेलि नै स्थायी कमिटीकाे बैठक बाेलाएर उनीहरुलाई पार्टीबाट निस्काशन गर्न सक्ने बताइएकाे छ ।

साेमबार मात्र माधव कुमार नेपाल, झलनाथ खनाल, भिम रावल लगायत ११ जनालाई पार्टीबाट साधारण सदस्य समेत नरहने गरी निस्काशन गरिएकाे थियाे ।