काठमाडौँ । कोरोना भाइरसको महामारीका बीच लुम्बिनी प्रदेशमा आज राष्ट्रियसभाको उपनिर्वाचन हुँदैछ ।

उपनिर्वाचनको सबै तयारी पूरा भएको निर्वाचन आयोगले जनाएको छ । उपनिर्वाचनमा कांग्रेस, माओवादी केन्द्र, जनता समाजवादी पार्टी र राष्ट्रिय जनमोर्चाको विपक्षी गठबन्धनका तर्फबाट दृगनारायण पाण्डे र एमालेका तर्फबाट चन्द्रबहादुर खड्का उम्मेदवार छन् ।

दाङ घोराहीस्थित कर्मचारी मिलन केन्द्रमा हुने निर्वाचन बिहान ९ बजे शुरू हुनेछ । कोरोना पोजेटिभ भए पनि मतदातालाई उपनिर्वाचनमा मतदान गर्न पाउने व्यवस्था गरिएको छ ।