दृष्टिविहीन र अपांगलाई सहयोग
समाधान संवाददाता
२०७८ असार ७ गते १०:०८
पोखरा, ६ असार (समाधान)
एसओएस बालग्राम रामबजार पोखराका आमाहरूले नयाँ बजारमा बसोबास गर्दै आएका दृष्टिविहीन एवं अपांगता भएका परिवारलाई खाद्य सामग्री सहयोग गरेका छन् ।
बालग्रामका संस्थापक हर्मनमाइनरको जन्मदिन एवं ३५ औं एसओएस दिवसका अवसरमा उनीहरूले ५ दृष्टिविहीन र ११ शारीरिक अपांगता भएका परिवारलाई २५ हजार बराबरको राहत सामग्री वितरण गरे ।
एसओएस बालग्राममा कार्यरत २४ आमाले सामूहिक रूपमा संकलित रकमबाट चामल, दाल, तेल, नून, चिउरा, बेसार, मास्कलगायतका सामग्री खरीद गरी अपांगता भएका परिवारलाई सहयोग गरिएको लक्ष्मीदेवी बाँस्तोलाले जानकारी दिए ।
निषेधाज्ञाका कारण रोजगारी गुमाएर भोकै बस्ने अवस्थामा पुगेका १७ परिवारलाई तत्कालका लागि खाद्यान्न सहयोग गरिएको उनको भनाइ छ । बालग्रामका १५ घरमा १ सय ५३ बालबालिका छन् ।
सम्बन्धित
तपाईको प्रतिक्रिया