समाधान संवाददाता, काठमाडौं ।

प्रधानमन्त्री केपी शर्मा ओलीले माथिल्लो तामाकोशी जलविद्युत आयोजनाको उद्घाटन गरेका छन् । ओलीले आज दिउँसो ४ बजे भर्चुअल रुपमा स्वीच थिचेर आयोजनाको उद्घाटन गरेका हुन् ।

आयोजनाको उत्पादन आजबाट सुरु भएको छ । ३ महिनाको परीक्षणपछि विद्युत् उत्पादन भएको हो । कुल ४५६ मेगावाट विद्युत् उत्पादन क्षमताको माथिल्लो जलविद्युत् आयोजनामा आज एक युनिटबाट ७६ मेगावाट विद्युत् उत्पादन शुरु हुनेछ। आगामी आर्थिक वर्षमा ४५६ मेगावाट नै उत्पादनको लक्ष्य लिइएको छ ।

आयोजनामा कुल ६ वटा युनिट छन् । जसबाट ७६ मेगावाटका दरले ४५६ मेगावाट विद्युत् उत्पादन हुनेछ ।