एमाले केन्द्रीय कमिटी बैठक सुरु, नेपाल पक्ष अनुपस्थित

समाधान संवाददाता २०७८ साउन ४ गते १२:१५

समाधान संवाददाता, काठमाडौं

नेकपा एमालेको केन्द्रीय कमिटीको बैठक ललितपुरको च्यासलमा सुरु भएको छ । सोमबार मध्याह्नबाट सुरु बैठकमा माधव नेपाल पक्षका नेताहरु भने अनुपस्थित भएका छन् ।

च्यासलस्थित तुलसीलाल अमात्य प्रतिष्ठानमा बिहान साढे ११ बजे सुरू भएको बैठक जेठ २ अघिको संरचना अनुसार १० औं बैठक भएको पार्टी कार्यालयका सचिव शेरबहादुर तामाङले जानकारी दिएका छन् ।

नेपाल पक्षले २०७५ जेठ ३ गते नवौं केन्द्रीय कमिटी बैठक बसेर नेकपा एकीकरण भएकाले अबको बैठक दशौं हुनुपर्ने माग राखेको थियो ।

यसअघि १४ औं केन्द्रीय कमिटी बैठक भनिएकोमा आज शुरु भएको बैठकको ब्यानरमा दशौं केन्द्रीय कमिटी बैठक लेखिएको छ ।

तपाईको प्रतिक्रिया