समाधान संवाददाता, पाेखरा

पाेखराकाे जगदम्बा ट्राभलले पाेखरा–काठमाडाैं–पाेखरा रुटमा आरामदायी रात्रिबस सेवा भदाैं ३ गतेदेखि फेरि सञ्चालनमा ल्याउने भएकाे छ ।

काेराेना कहरका कारण सरकारले लकडाउन लागु गरेपछि बन्द रात्रिकालीन बस सेवा भदाै ३ गतेबाट नियमित सञ्चालन गरिने जगदम्बा ट्राभल कम्पनीका अध्यक्ष केशवप्रसाद अधिकारीले जानकारी दिए ।

याे बस सेवा पाेखरा–काठमाडौं रुटमा चल्ने सबैभन्दा आरामदायी बस सेवा हाे । सिङ्गल साेफासिट भएकाे रात्रिकालीन बसमा यात्रा गर्ने यात्रुका लागि जहाजमा यात्रा गर्दा कफी, कुकिज चिसाे पेय पदार्थ र सुत्नका लागि ब्ल्याङ्केटसमेत उपलब्ध गराइन्छ ।

हरेक दिन पाेखरा र काठमाडाैंबाट राति ८ बजे छुट्ने बसमा स्वास्थ्य मापदण्ड पूर्णरुपमा पालना गरिने अध्यक्ष अधिकारीले बताए ।

गाडी छुट्नु भन्दा पहिले स्यानिटाइज गर्ने, सबै यात्रुलाइ मास्क र स्यानिटाइजर प्रदान गरिने, परिवारका सदस्यबाहेक अन्यलाई १ राे मा एउटा मात्र सिट उपलब्ध गराउने गरी पूर्ण सजग भएर सेवा सुरु गर्दै छाैं– अधिकारीले समाधानसँग भने ।