सिटी वानको परीक्षण प्रसारण
समाधान संवाददाता
२०७८ भदौ १५ गते १२:४०
पोखरा, १४ भदौ (समाधान)–सिटी वान टेलिभिजन सोमबारदेखि परीक्षण प्रसारण सुरु भएको छ । ‘समाचार र मनोरञ्जनका लागि सिटी वान’ भन्ने नारासहित पोखराबाट नयाँ टेलिभिजन सुरु भएको हो
।
स्टार नेपाल मिडिया हब प्रालिले सञ्चालन गरेको यो टेलिभिजनको प्रसारण क्लियर टिभीको च्यानल नम्बर ९६३ तथा सामाजिक सञ्जाल युट्युब, फेसबुक पेजमार्फत हेर्न सकिन्छ । प्रालि अध्यक्ष पवन प्रजापतीले परीक्षण प्रशारण सुरुआत गरे ।
उनले टेलिभिजनले गण्डकी प्रदेशका सबै नागरिक तथा दर्शकको आवाज बोल्ने जनाए । टेलिभिजनले आगामी असोजबाट नियमित प्रसारण थाल्ने प्रबन्ध निर्देशक अनिशा श्रेष्ठले जानकारी दिइन् । पोखराको नयाँबजारमा प्रधान कार्यालय रहको टेलिभिजनले सूचना, मनोरञ्जन लगायत दर्शकका रोजाइलाई विषयवस्तु बनाउने जनाएको छ ।
सम्बन्धित
तपाईको प्रतिक्रिया