कालीगण्डकीको छालले ३ घाइते

समाधान संवाददाता २०७८ भदौ १५ गते १२:५२

राकेशशर्मा
म्याग्दी-म्याग्दी सदरमुकाम बेनीको कालीपुलमा पहिरो खस्दा बस्तीमा आएको पानीको छाल र बाढीले ३ जना घाइते भएका छन् । कालीगण्डकी नदीको बाढीले ८ घरमाक्षति पु¥याएको छ ।

Advertisement


पर्वतको जलजला गाउँपालिका ३ मल्लाजको भीरबाट कालीगण्डकी नदीमापहिरो खस्दा बेनी नगरपालिका ८ मा कालीगण्डकी नदीकिनारमा रहेको कालीपुल बजारमा छालसहितको बाढी आएको थियो ।


राति साढे २ बजे पारीपट्टीबाट खसेको पहिरोले नदीको छाल र बाढी भएर बजारतर्फ आएपछि ८ घरमाक्षति पु¥याएको कालीपुल टोल सुधार समिति संयोजकताराप्रसादपुनले जानकारी दिए । बाढीले केही घर भत्कदा सन्तुपुन, गोविन्द बुढा र रेखा नेपाल घाइते भएका छन् ।


उनीहरुलाई स्थानीयले उद्धार गरी उपचारका लागि बेनी अस्पताल लगेका छन् । घाइतेहरुको अवस्था खतरामुक्त छ । पहिरो खस्ने क्रम नरोकिएको र थपजोखिम रहेकाले पुरानो कालीपुल बजारका ३० घर जोखिममा रहेको टोल सुधार समितिका संयोजकपुनले बताए ।


मध्यराति अबिरल वर्षासँगै ठूलो आवाजमा पहिरो खसेपछि स्थानीयको भागदौड मच्चिएको थियो ।‘‘पहिरोसँगै घरभित्रै बाढी आयो, वृद्धवृद्धालाई बोकेर सुरक्षित स्थानमा सा¥र्यौ, अझै जोखिम टरेको छैन । पहिरो खसेको ठाउँमा थप पहिरो जाने जोखिम छ,’ स्थानीय सुरेश पुनले भने । छालले शौचालय, बाथरुम, खानेपानीलगायतमा समेत क्षति पु¥याएको छ ।

Advertisement


छालले नदी नियन्त्रणका लागि बनाइएको पर्खालमा लगाइएको फलामको तारबारसमेत पूर्ण रुपमाभत्काएको छ ।

तपाईको प्रतिक्रिया