समाधान संवाददाता

लेखनाथ–लेखनाथ उद्योग बाणिज्य संघको स्थगित १३ औं महाधिवेशन असोज २ गते शनिबार हुने भएको छ । कोरना भाइरसका कारण भदौ १८ र १९ गतेका लागि तोकिएको महाधिवेसन भदौ १३ गते स्थगित भएको थियो ।

शुक्रबार निर्वाचन उपसमितिले असोज २ गतेको मिति तय गरेपछि संघको कार्यसमिति बैठकले त्यसलाई अनमोदन गरी निर्वाचनको कार्यक्रम सार्वजानिक गरेको हो । निर्वाचनका कार्यक्रम लेखनाथ उद्योग बाणिज्य संघको महोत्सव स्थल तालचोकमा स्वास्थ्यका मापदण्डहरु कायम गरी बिहान ७ देखि साँझ ५ बजेसम्म हुने निर्वाचन आयुक्त हेमराज बरालले जानकारी दिए ।

यसअघि संघको निर्वाचनको कार्यक्रम अन्तर्गत उमेदवारी दर्तादेखि उम्मेदवारको अन्तिम नामावली प्रकाशन भइसकेको छ । संघको अध्यक्षमा छत्रधर आत्रेय, संस्थागत सदस्यमा रामबहादुर गुरुङ र एसोसियट सदस्यमा मेघराज पौडेल निर्विरोध भइसकेका छन् ।