कांग्रेस पोखरा महानगर सभापतिमा बास्तोलाको उम्मेद्वारी घोषणा, आकांक्षी ५ पुगे

समाधान संवाददाता २०७८ भदौ २१ गते १८:३५

समाधान संवाददाता
पोखरा-नेपाली कांग्रेसको १४ औं महाधिवेशन अन्तर्गत पोखरा महानगरपालिकाको नगर समितिको सभापतिमा मोहनप्रसाद बास्तोले उम्मेद्वारी घोषणा गरेका छन् । महानगरपालिका ११ का वडा अध्यक्ष समेत रहेका बास्तोलाले सोमबार पत्रकार सम्मेलन गरी उम्मेदवारी घोषण गरेका हुन् । नेपाली कांग्रेसको १४ औं महाधिवेशन अन्तर्गत आउँदो भदौ २७ गते नगर अधिवेशन हुँदै छ ।

पत्रकार सम्मेलनमा बोल्दै बास्तोलाले नेपाली कांग्रेसको प्रजातन्त्रीको अन्दोलनलाई थप सशक्त रुपमा अगाडि बढाउन आफ्नो उमेदवारी रहेको बताए । भने, ‘गाउँगाउँमाबाट कांग्रेसको सहभागिता बढाउँछु ।’

आउँदो चुनावमा नेपाली कांग्रेलाई वडा अध्यक्षदेखि मेयरसम्म जिताउन आफ्नो उम्मेदवारी रहेको उनले बताए । वडा अध्यक्ष भइसकेपछि आफूले वडामा धेरै राम्रा काम गरेको उनी बताउँछन् । वडामा आफूले पार्क निर्माणदेखि महामारीको समयमा धेरै राम्रो काम गरेको साथै आगामी दिनहरुमा पनि जनताको जीवनस्तरमा सुधार गर्न आफ्ना उम्मेदवारी दिने उनको दाबी छ ।

नेपाली कांग्रेसको १४ औं महाधिवेशन नजिकिएसँगै उम्मेद्वारी घोषणा संख्या बढ्दो छ । हाल सम्म पत्रकार सम्मेलन मार्फत बास्तोलाले मात्र गरेका छन् भने अन्यले अन्य माध्यमहरु सामाजिक सञ्जाल साथै फेस्बुकबाट पनि उम्मेदवारी घोषण गरेका छन् । यो संख्या बढ्दो छ । अहिलेसम्म गंगाधार पराजुली, सुरेन्द्र बिजुक्छे , मिलनप्रसाद तिवारी, मोहन बास्तोला र रामराज लामिछानेले गरी ५ जनाले नगर सभापतिको उम्मेदवारी घोषणा गरेका छन् ।

तपाईको प्रतिक्रिया