स‌र्‍याे कांग्रेस अधिवेशन, पालिकाकाे चुनाव असाेज ९ गते

समाधान संवाददाता २०७८ भदौ २५ गते १९:१६

समाधान संवाददाता, पाेखरा ।

पटक पटक सर्दै आएकाे नेपाली कांग्रेसकाे अधिवेशनकाे मिति फेरि सारिएकाे छ । निर्धारित समयमा देशैभर वडा अधिवेशनहरु हुन नसकेपछि कांग्रेसकाे निर्बाचन समितिले पालिका त्यस भन्दा उपल्ला निकायकाे अधिवेशन मिति पछि सारेकाे छ ।

संशाेधित तालिका अनुसार भदाैं २७ गतेका लागि ताेकिएकाे पालिका अधिवेशनकाे मिति असाेज ९ मा सारिएकाे छ ।

विवादित वडाहरुकाे अधिवेशन गर्नका लागि असाेज ५ सम्मकाे समय दिइएकाे छ । त्यसपछि मात्र पालिकाकाे अधिवेशन हुने भएकाे छ ।

प्रदेश सभा क्षेत्रीय अधिवेशनकाे मिति असाेज १२ गतेका लागि ताेकिएकाे छ भने प्रतिनिधि सभा क्षेत्रीय अधिवेशनकाे मिति १५ गते तय भएकाे छ ।

जिल्ला अधिवेशनका लागि असाेज १८ गतेकाे मिति तय गरेकाे निर्बाचन समितिले प्रदेश अधिवेशनकाे मिति कार्तिक १०, ११ र १२ गते ताेकेकाे छ ।

केन्द्रीय महाधिवेशनकाे मिति भने पूर्व निर्धारित मिति मंसिर ९ देखि १३ गते नै हुने सिमितिले शुक्रबार विज्ञप्ति जारी गर्दै जानकारी दिएकाे छ ।

तपाईको प्रतिक्रिया