सामूहिक व्यवसायिक ऐक्यवद्धता, आर्थिक रुपान्तरण आजको आवश्यकता’ भन्ने चुनावी नारा लिएर संघको १३ औं महाधिवेशनमा उपमहासचिव पदका लागि मैदानमा छन् धीरजकुमार श्रेष्ठ । युवाले स्वदेशमा नै व्यवसाय गरी रोजगार सिर्जना गर्नुपर्ने धारणा राख्ै उनी मतदाताको घरदैलोमा छन् । श्रेष्ठले युवा लक्षित कार्यक्रम ल्याएर देशमा समृद्धि ल्याउनुपर्ने बताए ।

निर्माण व्यवसाबाट २०७४ सालमा संघको कार्यसमिति सदस्य बनेका उनी त्यसयता २ पटक संघमा दोहोरिए । श्रेष्ठ लेखनाथलाई पर्यटन र कृषिबाट माथि उठाउन सकिने तर्क गर्छन् । व्यवसायी, उद्योगीको चुनाव भएकाले राजनीतिक स्वार्थ नल्याउन आग्रह गरेका उनले मतदाताले विवेक प्रयोग गर्ने विश्वास व्यक्त गरे ।