राजनीति

माधव नेपाल पोखरामा, भोलि कार्यकर्ता भेला

समाधान संवाददाता २०७८ असोज २ गते १९:०६

पोखरा-नेकपा एकिकृत समाजवादी पार्टीका अध्यक्ष माधव नेपाल पोखरा आएका छन् । नेकपा एमाले विभाजन गरेर नेकपा एस गठन गरेका नेपाल नयाँ पार्टी खोलेपछि पहिलो पटक पोखरा आएका हुन् ।


नेकपा एस कास्कीले भोलि आइतबार आयोजना गरेको कास्की जिल्ला स्तरीय कार्यकर्ता भेलालाई सम्बोधन गर्ने कार्यक्रम छ । संविधान दिवसको अवसरमा बिचार गोष्ठी एवं कार्यकर्ता भेला आयोजना गरिएको नेकपा एस कास्कीका अध्यक्ष धनराज आचार्यले जानकारी दिए ।
आचार्यका अनुसार भोलि नै पार्टीको जिल्ला कार्यालय उद्घाटन गर्ने कार्यक्रम छ । पोखराको सृजनाचोकमा पार्टी कार्यालय उद्घाटनपछि ११ बजेबाट कार्यकर्ता भेला सुरु हुुने र सो भेलालाई अध्यक्ष नेपालसहित केशवलाल श्रेष्ठ लगायतले सम्बोधन गर्ने कार्यक्रम छ ।
आज दिउँसो पोखरा विमानस्थलमा आएका नेपालालाई स्वागत गर्न सयौं नेता कार्यकर्ता एअरपोर्ट पुगेका थिए । उनलाई युवाहरुल स्कटिङ गरेर होटलसम्म लगेका थिए ।


अध्यक्ष नेपालले होटल मै अगुवा नेता तथा कार्यकर्तासँग छलफल गरेका छन् । पहिलो चरणमा केन्द्रीय सदस्य र गण्डकी प्रदेश कमिटीसंग छलफल गरेका नेपालले आजै कास्की जिल्ला कमिटी र महानगर कमिटीसँग छलफल गर्दैछन् ।

तपाईको प्रतिक्रिया