पोखरा । नेपाली कांग्रेसको १४ औं को महाधिवेशन अन्तर्गत पोखरा महानगरपालिका कार्यसमिति चयनका लागि शनिबार जारी मतदानमा अहिलेसम्म १३०० मत खसिसकेको छ । मतदान साढे ४ बजेसम्म हुनेछ ।

पोखरा महानगर समिति चयनका लागि मतदाता १३ सय ७० जना छन् । तीमध्ये अधिकांशले भोट खसालेका हुन् । पोखरा नयाँबजार प्रदर्शनी केन्द्रमा शनिबार बिहान साढे ९ बजे मतदान सुरु भएको थियो ।

महानगर समितिको सभापतिका लागि ६ जना उम्मेदवार छन् । उपसभापतिमा पनि त्यति नै छन् भने सचिवमा ३ जनाको उम्मेदवारी परेको छ ।