पाेखरा । प्रधानमन्त्री शेरबहादुर देउवाले आज १० बजेका लागि सर्बदलीय बैठक आव्हान गरेका छन् । प्रमुख प्रतिपक्ष दलले संसदमा लगातार गरिरहेकाे अबराेध हटाउने बारेमा छलफल गर्न भन्दै बैठक आव्हान गरिएकाे प्रधानमन्त्रीकाे सचिवालयले जनाएकाे छ ।

१० बजेका लागि निर्धारित बैठकमा संसदमा प्रतिनिधित्व गर्ने दलहरु नेपाली कांग्रेस, नेकपा एमाले, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी (जसपा) नेपाल, लोकतान्त्रिक समाजवादी पार्टी, राष्ट्रिय जनमोर्चा , नेपाल मजदुर किसान पार्टी र राष्ट्रिय प्रजातन्त्र पार्टी राप्रपाका नेतालाई आमन्त्रण गरिएको छ ।

सभामुख अग्निप्रसाद सापकाेटाले बाेलाएकाे बैठक बहिस्कार गरेकाे प्रमुख प्रतिपक्षी दल नेकपा एमाले प्रधानमन्त्रीले सर्बलदीय बैठकमा सहभागी हाेला नहाेला भन्ने अन्याैलता कायमै छ । एमालेले आधिकारिक रुपमा यस बारेमा केही बताएकाे छैन् ।

सभामुख सापकाेटाले एमाले विभाजन गर्न सहयाेगी भूमिका खेलेकाे र सदनमा सत्तारुढ पक्षलाई साथ दिएर संविधान विपरित काम गरेकाे भन्दै एमालेले १४ सांसदकाे कारवाहीकाे सूचना नटाँसेसम्म सदन चल्न नदिने बताउदै आएकाे छ ।