हरिवंश सहकारीको सभा

समाधान संवाददाता २०७८ असोज १७ गते १८:४१


पोखरा ।

Advertisement


पोखरा महानगरपालिका १८ हरिवंश बचत तथा ऋण सहकारी संस्थाको तेस्रो साधरण सभामा आइतबार सम्पन्न भएको छ ।
साधरण सभामा पोखरा महानगरपालिका सहकारी समितिका अध्यक्ष तेजनारायण अधिकारीले सहकारी ऐनको पालना गरे अघि बढे सहकारीको कार्यक्षेत्र विस्तार गर्न सजिलो हुने बताए ।


पोखरा महानगरपालिका १८ का अध्यक्ष रणबहादुर थापा, पोखरा २ का अध्यक्ष रामेश्वर मल्ल, नेपाली कांग्रेस पोखरा १८ का सभापति शिवप्रसाद तिमिल्सिना, भावना कृषि सामुदायिक संस्थाका अध्यक्ष बलराम कोइरला, चिसाखोल वेद विद्याश्रम माविका प्रबन्धक श्रीराम तिमिल्सिना, सहकारीका ऋण समितिका संयोज चिन्तामणि शर्मा तिमिल्सिना, सहकारीका उपाध्यक्ष रत्नप्रसाद तिमिल्सिना, सहकारीका संस्थाक अध्यक्ष कृष्णप्रसाद तिमिल्सिना, सेयर सदस्य जुली खत्री लगायतले कार्यक्रममा भनाइ राखेका थिए । सहकारीकी कोषाध्यक्ष गंगा तिमिल्निाले सहकारीका ७ सिद्धान्त बाचन गरेकी थिइन् ।


हरिवंश बचत तथा ऋण सहकारी संस्थाका अध्यक्ष तारा तिमिल्सिनाको अध्यक्षतामा भएको कार्याक्रममा सचिव पूर्णाखर तिमिल्सिनाले कार्यक्रम सञ्चालन गरेका थिए । असल ऋणी शर्मिला तिमिल्सिना, असल बचतमा विश्व कल्याण दवाडी सम्मानित भएका थिए । सहकारीमा ३ सय २८ जना सेयर सदस्य छन् ।

Advertisement

तपाईको प्रतिक्रिया