समाधान संवाददाता
पोखरा
नेत्रहिन युवा संघ नेपाल कास्की शाखाको आयोजनामा गण्डकी प्रदेशमा रेहका अपाङ्गता भएका युवाहरुलाई राजनैतिक नेतित्व सहभागिता सुनिश्चि गर्न चार दिने तालिम सम्पन्न भएको छ ।

अब हुने तीनै तहको निर्बाचनमा राजनैतिक नेतृत्व र सहभागिता सुनिश्चितगर्ने हेतुले पोखरामा चार दिने तालिम सम्पन्न भएको छ । तालिममा अपाङ्गता भएका १० जना, बौद्धिक अपाङ्गता भएका २ जना, शारीरीक अपाङ्गता ४ जना, समलिङ्गी तथा तेस्रोलिङ्गी समुहबाट २ जना, बहिरा अपाङ्गताबाट ४ जना, श्रवण दृष्टि बिहिनहरुबाट २ जना गरी गरि कुल २४ जना युवाहरुको सहभागी गराइएको थियो । तामिममा मनाङ्ग, मुस्ताङ्ग र स्याङ्जा बाहेकका जिल्लाबाट सहभागि थिए । तालिममा लोकतन्त्र र यसका तत्वहरु, नेतृत्व र यसका अवधारणा, जनप्रतिनिधि र उनीहरुका जिम्मेवारी लगायतका विषयहरुमा प्रशिक्षण गरिएको थियो ।

राष्ट्रिय अपाङ्ग महासंघ नेपाल गण्डकी प्रदेशका अध्यक्ष खोमराज शर्माले अपाङ्गता समावेशी निर्वाचन र परियोजनाका प्रमोटरहरु शेरजङ्ग गुरुङ र विश्वमित्र भित्राकोटी र फिल्ड अफिसर सुमना नेपालले प्रशिक्षण गरेका थिए ।
तालिमको अन्तिम दिन नेत्रहिन युवा संघ नेपाल कास्की शाखाका अध्यक्ष सूर्य प्रसाद भट्टराईले परियोजनाको उद्देश्य बमोजिम कार्य गर्न सुझाएका थिए । तालिमबाट भने १० जना उत्कृष्ट छनोट गरी निर्वाचनको समयमा मतदाता शिक्षाको लागि परिचालन गरिने कार्यक्रममा बताइएको थियो ।