पाेखरा ।

नेकपा एमाले नेतृत्वकाे सरकार हटाउन गठबन्धन गरेका दलहरुले वागमती प्रदेशमा सरकारको नेतृत्वमा नेकपा एकीकृत समाजवादी र नेपाली कांग्रेसले आलोपालो गर्ने सहमति बनाएका छन् ।

बिहीबार प्रदेशसभाको विपक्षी गठबन्धनमा रहेका नेकपा माओवादी केन्द्र, नेपाली कांग्रेस, नेकपा एकीकृत समाजवादी र जनता समाजवादी दलको बैठकले प्रदेशसभाको कार्यकालको आधा–आधा समय सरकारको नेतृत्व गर्ने सहमति गरेकाे हाे ।

जस अनुसार पहिलाे मुख्यमन्त्री नेकपा एसका राजेन्द्र पाण्डे बन्ने सहमति भएकाे छ भने पाण्डेकाे समय सकिएपछि नेपाली कांग्रेसका नेता इन्द्रबहादुर बाँनिया मुख्यमन्त्री बन्ने सहमति उनीहरुबीच भएकाे छ ।

१० गते मुख्यमन्त्री अष्टलक्ष्मी शाक्यलाई विश्वासकाे मत नदिएर पराजित गर्ने र नयाँ सरकार गठनकाे प्रकृया अघि बढाउने कुरामा पनि गठबन्धनमा समझदारी कायम भएकाे छ ।