पोखरा ।

नेकपा एमालेको पोखरा महानगरपालिका कमिटीको अध्यक्षका लागि ५ जनाको उम्मेदवारी परेको छ । दिलीप न्यौपाने, तेजनारायण अधिकारी, दीपक पौडेल, धनबहादुर नेपाली र हरिप्रसाद त्रिपाठीले अध्यक्षमा उम्मेदवारी दर्ता गराएका हुन् । हिजो सुरु नगर अधिवेशनमा आज नेतृत्व चयनको कार्यतालिका छ । उम्मेदवारी दर्ताको कार्यक्रम तथा समय सीमा सकिएको छ ।

उपाध्यक्षमा बैनबहादुर गुरुङ, उमा परियार, मोहन गुरुङ, राजकुमारी भुजेल र सुस्मिता केसी भट्टराईले उम्मेदवारी दिएका छन् । सचिवमा जीवनप्रसाद आचार्य र गोकर्ण अधिकारीको उम्मेदवारी परेको छ । नगर कमिटीमा एकजना अध्यक्ष, १ जना उपाध्यक्ष र १ जना सचिव हुने वैधानिक व्यवस्था छ ।

२ जना उपसचिव निर्वाचित हुने पार्टी विधान छ । उक्त पदका लागि भने १६ जनाको उम्मेदवारी परेको छ । सिमबहादुर गुरुङ, दुर्गाप्रसाद श्रेष्ठ, बलराम गिरी, रामचन्द्र थापा, प्रकाश पौडेल, शिवप्रसाद आचार्य, हरिप्रसाद लम्साल, मीनबहादुर थापा, विष्णु पुन, वीरेन्द्र भण्डारी, दलबहादुर खत्री, हरिमाया गुरुङ, सूर्य भण्डारी, विष्णुहरि तिमिल्सिना, सुवास ढुंगाना र सीता विकले उपसचिवमा उम्मेदवारी दिएका छन् ।