पोखरा ।
नेपालको पहिलो अनलाइन फुड डेलिभरी कम्पनी फुडमान्डुले ११ वर्ष पूरा गरेको छ । सन् २०१० नोभेम्बर ११ देखि सञ्चालनमा आएको कम्पनीमा काडमाडौं उपत्यका एवं पोखराका सैयौं रेस्टुरेन्टहरु आवद्ध छन् ।

ती रेस्टुरेन्टका परिकार कम्पनीको वेबसाइट तथा मोबाइल एपमार्फत अर्डर गर्न सकिन्छ । साथै, उक्त कम्पनीले ग्रोसरी डेलिभरी सेवा गर्दै आएको छ । कम्पनीका संस्थापक तथा प्रबन्ध निर्देशक मनोहर अधिकारीले ग्राहकको रुचि र माग अनुसार सेवालाई थप परिस्कृत गर्दै लैजाने प्रतिवद्धता गरे । उनले देशका थप प्रमुख सहरमा सेवा विस्तारको योजना सुनाए ।

कम्पनीले वार्षिकोत्सवको अवसरमा ११ दिनसम्म हरेक दिन १ हजार १ सय ११ को आकर्षक कम्बो डिल तथा केही आवद्ध रेस्टुरेन्टको सकहार्यमा नौला परिकार ग्राहकसामु लगिरहेको कम्पनीका ब्रान्ड, मार्केटिड्ड तथा बजार व्यवस्थापक प्रमुख श्यामरत्न मालीले बताए ।
फुडमान्डले हाम्रो पात्रोसँग सहकार्य गरी उक्त एपमार्फत पनि सिधै फुडमान्डुबाट खाना अर्डर गर्न मिल्ने व्यवस्था मिलाउन लागेको जनाएको छ ।