पोखरा ।
नेपाली कांग्रेसको १४ औं महाधिवेशन अन्तर्गत कास्की जिल्ला अधिवेशनमा शुक्रबार जारी छ । मतदानको क्रम ४ बजेसम्मलाई राखिएको थियो । पोखरा नयाँबजारको प्रदर्शनी केन्द्रमा मतदान भएको हो । ४ बजेसम्म गेटभित्र प्रवेश गरेकाहरुलाई मतदानको अवसर दिइने निर्वाचन अधिकृत अधिवक्ता विमल पौडेलले जानकारी दिए । उनका अनुसार अहिले केही मतदाता गेटभित्र प्रवेश गरिसकेकाले मात्रै मतदान गर्न बाँकी छ ।

१९ सयभन्दा बढीले साढे ३ बजेभित्रै मतदान गरिसकेको पौडेलले जनाए । मतदाताको संख्या २ हजार ८८ हो । कास्की कांग्रेसको सभापतिका लागि ५ जनाको उम्मेदवारी परेको छ । ५० प्रतिशतभन्दा बढी मत ल्याउनेमात्रै सभापति बन्न पाउने कांग्रेसको वैधानिक व्यवस्था छ । कसैले आधा मत नल्याए उत्कृष्ट २ बीचका लागि फेरि मतदान हुन्छ ।

कास्की कांग्रेस सभापतिमा ५ उम्मेदवार, सबै पदमा गरी ९२ जना (नामसहित)