जोमसोम—

दुर्गम हिमालपारीको जिल्ला मुस्ताङका ५ वटै स्थानीय तहमा स्वास्थ्य बिमा कार्यक्रम सुरु भएको छ ।नेपालको संविधानले नागरिकको नागरिकको स्वास्थ्य बिमा सुनिश्चित गर्दै स्वाथ्य उपचारमा पहुचको व्यवस्था मिलाउने प्रावधान अनुसार स्वास्थ्य बिमा बोर्डको समन्वयमा मुस्ताङमा स्वास्थ्य बिमा कार्यक्रम लागु गरिएको हो । नागरिकलाई गुणस्तरीय स्वास्थ्य सेवा उपलब्ध गराउने उद्देश्य अनुरुप लागु भएको बिमा कार्यक्रम अन्तर्गत मुस्ताङका ५ वटै स्थानीय तहमा बिमा फोकल पर्सन समेत परिचालन गरिएको छ ।

गण्डकी प्रदेशका सांसद महेन्द्र बहादुर थकालीले एक समारोहकाबीच बिहिबार मुस्ताङमा स्वास्थ्य बिमा कार्यक्रमको सुभारम्भ गरे ।सांसद थकालीले स्वास्थ्य उपचार खर्चमा सबै नागरिकको पहुच पुग्न नसक्ने भएकाले सरकारले स्वास्थ्य बिमा कार्यक्रम लागु गरेको बताए ।‘ जटिल प्रकृतिका बिरामीहरु आर्थिक भारका कारण अकालमा ज्यान गुमाउनु पर्ने अवस्था छ, सांसद थकालीले भने,‘ स्वास्थ्यको पहुच सबै नागरिकमा पू¥याउन र स्वास्थ्य सेवाको दायरा फराकिलो बनाउन बिमा कार्यक्रम प्रभावकारि हुनेछ ।’

मुस्ताङका प्रमुख जिल्ला अधिकारी नेत्रप्रसाद शर्माले सरकारले कार्यन्वयनमा ल्याएको बिमा कार्यक्रमले बिपन्न जनतालाई राहत पुग्ने बताए । उनले बिमा कार्यक्रमलाई प्रभावकारि बनाउन प्रशासनिक निकायबाट सक्दो सहयोग गर्ने प्रतिबद्धता जनाए ।यस्तै,अस्पताल ब्यवस्थापन समितिकी निमिक्त कार्यबाहक अध्यक्ष शर्मिला गुरुङले नागरिकको स्वास्थ्य उपचारमा बिमा कार्यक्रमले निकै राहत पू¥याउने हुनाले धेरै भन्दा धेरै नागरिकले स्वास्थ्य बिमा गुरुन् भन्ने हाम्रो अपेक्षा रहेको बताईन् । उनले जिल्ला अस्पतालमा न्युनतम श्रोत साधन उपलब्ध भएपनि जनशक्ति अभावले असप्तालले दिने स्वास्थ्य सेवा मैत्री बन्न अप्ठ्यारो परेको उल्लेख गरिन् ।

सरकारले नागरिकको स्वास्थ्य उपचारमा सहयोग पू¥याउने उद्देश्यले २०७२ साल चैत्र २५ गतेबाट बिम कार्यक्रम लागु गरेको हो । तर,मुस्ताङमा जेठ महिना देखि यस कार्यक्रम लागु भएपनि बिमा फोकल पर्सनको प्रशिक्षण तथा आवश्यक तयारीका लागि ६ महिनापछि मात्र कार्यान्वयनमा आएको हो । बिमा कार्यक्रममा सेवा प्रदायक संस्था ,नेपाल सरकार मातहत र निजी क्षेत्रलाई समेत सहभागी गराईने जनाईएको छ । बिमा दर्ताका लागि सम्वन्धित जिल्लाका वडा÷वडामा एजेन्ट अर्थात फोकल पर्सन खटाईने छ । बिमामा आवद्ध भएका नागरिकको सेवा एक्म्टिभ ३ महिनापछि सुरु हुन्छ ।

बिमामा ७० वर्ष कटेका ज्येष्ठ नागरिक तथा अति बिपन्न परिवारलाई निशुल्क बिमाको ब्यवस्था मिलाईएको छ । यस्तै,अपाङ्गता भएका वा स्वास्थ्य स्वंयम सेविकाहरुलाई ५० प्रतिशत सहुलितमा स्वास्थ्य बिमा गर्न पाउन ब्यवस्था गरिएको छ । अन्यको हकमा ५ जना परिवार संख्या भएका नागरिकलाई बार्र्षिक रु. ३५ सय रुपैया शुल्क तिरेपछि बिमामा आवद्धता गराईन्छ ।तर ५ जनाको संख्या भन्दा बढी भएमा थप शुल्क लाग्नेछ । सरकारले उपलब्ध गराउने बिमा २ लाखसम्मको हुनेछ

मुस्ताङको जिल्ला अस्पताल जोमसोम र थासाङको लेते प्राथमिक स्वास्थ्य केन्द्रबाट स्वास्थ्य बिमाको सेवा लिन सकिने छ । मुस्ताङ अस्पतालले रिफर गरेको वा कुनै कारणबश अन्यत्र आकस्मिक स्वास्थ्य सेवा लिन परेमा पोखराको मनिपाल ,गण्डकी स्वास्थ्य बिज्ञान प्रतिष्ठना र जेएमसी अस्पतालमा उपचार गर्न सकिने जनाईएको छ । प्रत्येक नागरिकको परिवारले बिमा गर्दा त्यसको सम्झौता अवधि एक वर्ष रहने र त्यपछि पुन तोकिए बमोजिम नविकरण गर्नुपर्ने हुन्छ ।
जोमसोम अस्पतालको स्मारिका बिमोचन ः
बिमा कार्यक्रमका क्रममा जिल्ला अस्पताल जोमसोमले आफ्नो ३ वर्षीय कार्यअवधिको जानकारीमूलक स्मारिका पुस्तक बिमोचन गरेको छ ।सांस्द महेन्द्रबहादुर थकाली,प्रजिअ नेत्रप्रसाद शर्मा र अस्पताल ब्यवस्थापन समितिकी निमित्त प्रमुख शर्मिला गुरुङले संयुक्त रुपमा पुस्ताक बिमोचन गरेका हुन् ।