जोमसोम—

थकाली सेवा समितिका केन्द्रिय सदस्य राजेन्दप्रसाद्र शेरचनको शनिबार निधन भएको छ ।उनको उपेन्द्र देवकोटा मेमोरियल ( न्यूरो अस्पताल ) बाँसबारीमा उपचारका क्रममा निधन भएको परिवार श्रोतले जनाएको छ ।

मुस्ताङ जिल्ला थासाङ थासाङ गाउपालिका—२ लार्जुङ पूख्यौली घर भई काठमान्डौं सामाखुसी टाउन प्लानिङ निवासी शेरचनको ७६ वर्षको उमेरमा निधन भएको हो । उनको अन्तिम संस्कार पुस ५ गते हुने र क्रियाशुद्धि थकाली सेवा समिति काठमान्डौंमा बौद्ध परम्परा अनुसार हुने थकाली सेवा समितिले जनाएको छ ।

स्वर्गीय शेरचनका ३ छोरा र १ छोरी छन् ।उनी थकाली सेवा समिति काठमान्डौंका नया भवन निर्माण समितिका सदस्य थिए ।थकाली सेवा समिति काठमान्डौंले दिवंगत शेरचनको निधनमा आज सोमबार श्रद्धाञ्जली कार्यक्रमको आयोजना ग¥यो ।

सो अवसरमा दिवंगत शेरचनको निधनप्रति थकाली सेवा समितिले भावपूर्ण श्रद्धाञ्जली अर्पण गर्दै शोक ब्यक्त गरेको जनाएको छ ।