कर्मचारी यूनियन मुस्ताङको अध्यक्षमा थकाली

समाधान संवाददाता २०७८ पुष २० गते १८:४७


जोमसोम—

Advertisement

नेपाल निजामती कर्मचारी यूनियन जिल्ला कार्यसमिति मुस्ताङले घरपझोङ—५ ठिनी निवासी महेन्द्र थकालीको अध्यक्षतामा १५ सदस्यीय जिल्ला कार्यससमिति गठन गरेको छ ।यूनियनको मंगलबार जोमसोममा सम्पन्न भएको आठौं जिल्ला अघिवेशनले सर्वसम्मतीमा थकालीलाई निर्विरोध निर्वाचित गरेको हो ।
कर्मचारी यूनियन जिल्ला कार्यसमितिको आठौं अघिबेशनले उपाध्यक्ष खुल्लातर्फ हिमलाल शर्मा लामिछाने,उपाध्यक्ष महिलातर्फ अस्मिता न्यौपाने र उपाध्यक्ष समावेशीतर्फ सकलदेव शर्मा चयन भएका छन् ।यूनियनको सचिवमा गंगाबहादुर थापा र सहसचिवमा गोबिन्द तिवारी छन् भने कोषाध्यक्षमा फुलमाया परियार निर्विरोध निर्वाचित भए ।
यस्तै,कर्मचारी यूनियन मुस्ताङको अधिवेशनले ड्यामप्रसाद पोखरेल, हरि शंकर पोखरेल,राजन कडेल,उज्वल चापागाई,देवेन्द्र थापा, बिष्णु पुन,ओमबहादुर परियार र बालकृष्ण पतानीभाट सदस्यमा चयन गरेको छ ।
यसका साथै अघिबेशनले दिनेश सुवेदी र आशिष भण्डारीलाई केन्द्रिय प्रतिनिधि मा चयन गरेको छ भने समितिको सल्लाहाकारमा बृजकिशोरचौरासिया,भिमसेन भण्डारी र प्रकाश बस्ताकोटी छन् ।
प्रमुख अतिथि जिसस उपप्रमुख राजेन्द्र शेरचनको उपस्थितीमा भएको कार्यक्रममा पुष्पा शेरचन,योगेश शेरचन,संजय थकाली लगायतले अघिबेशन सफलताको शुभकामना दिएका थिए । कार्यक्रममा उपप्रमुख शेरचनले राष्ट्र सेवक कर्मचारीकै योगदानले मुलुक समृद्ध हुने उल्लेख गरे । उनले कर्मचारीको हकअधिकारीको रक्षा गर्दै जनताको सेवामा समर्पित हुनुपर्ने बताए ।
कर्मचारी यूनियन मुस्ताङको ८ अघिबेशनको संञ्चालन बृजकिशोर चौरासियाले गरेका थिए ।

Advertisement

तपाईको प्रतिक्रिया