त्रिवेणी कलेजको सभा

समाधान संवाददाता २०७८ पुष २५ गते १२:४७

सविता बस्याल

Advertisement

लेखनाथ ।
त्रिवेणी इन्टरनेसनल कलेज पोखरा २७ को छैटौं वार्षिक साधारणसभा शनिबार भएको छ । सभामा संघीय सांसद विद्या भटृराईले शिक्षा लिनु ज्ञान आर्जन गर्नुमात्र नभई सक्षम पनि बन्नु भएको बताइन् । उनले निजी शैक्षिक संस्थाप्रतिको दृष्टिकोणमा परिवर्तन गरिनुपर्नेमा जोड दिइन् ।


कार्यक्रममा प्राडा ईन्द्रप्रसाद तिवारी, पूर्वअध्यक्ष राजेन्द्रमणि लामिछाने, ग्रिन डेभलपमेन्ट बैंकका प्रमुख कार्यकारी अधिकृत उमेश आचार्य, पोखरा ३२ का वडाध्यक्ष अक्कलबहादुर कार्की, त्रिभुवन शान्ति माविका प्राचार्य मित्रलाल सापकोटा, कलेज सञ्चालक समिति सदस्य विनोदप्रसाद लामिछाने, हिसान कास्की सदस्य यमबहादुर रोका, सहायक क्याम्पस प्रमुख डिल्लीराम पौडेल, विद्यार्थी कल्याणकारी समिति अध्यक्ष सृष्टि तिवारी र विद्यार्थी सुनिता गौतमले बोलेका थिए ।

Advertisement


शनिबार नै कलेज र ग्रिन डेभलपमेन्ट बैंकबीच एमओयु भएको छ । बैंकले कलेजको स्तरोन्नतिमा सहयोग गर्नुका साथै विद्यार्थीलाई इन्टर्नसिप एवं रोजगारी प्रदान गर्ने समझदारी पत्रमा उल्लेख छ । कलेज सञ्चालक समिति अध्यक्ष सुमन भटृराईको अध्यक्षतामा भएको कार्यक्रममा क्याम्पस प्रमुख यदुराज आचार्यले शैक्षिक प्रतिवेदन प्रस्तुत गरेका थिए ।

तपाईको प्रतिक्रिया