पोखरा ।
कोरोना महामारीका बेला २ वर्ष सेवा स्थगत गरेको चेरिष्मा इम्पोरियमले फेरि सेवा सुरु गरेको छ । १३ वर्षअघि सेवा आरम्भ गरेको चेरिष्मा महिलाका पोशाकका लागि प्रसिद्ध छ ।

आफ्नो सेवालाई प्रभावकारी बनाउन र प्रभावशाली प्रचारप्रसार गर्न चेरिष्माले अभिनेत्री करिष्मा मानन्धरलाई ब्रान्ड एम्बेस्डर बनाएको छ । आइतबार अभिनेत्री मानन्धर र सौन्दर्यविद् कमला श्रेष्ठले सेवा सुरुआत गरे ।

नायिक मानन्धरले पोखरामा फेसनको स्टोर्स खुल्दा पोखरेलीलाई निकै लाभ हुने बताइन् । जीवनमा सफलता पाए पनि त्यसमै चूपचाप नबसी निरन्तर सफलताको सिंढी चडिरहनुपर्ने उनले बताइन् । सौन्दर्यविद् श्रेष्ठले चेरिष्माको पुनरागमनले निकै हर्षित भएको बताइन् ।

पोखरा उद्योग वाणिज्य संघका पूर्वअध्यक्ष विश्वशंकर पालिखेले चेरिष्माको पुनरागमनले फेसनको क्षेत्रमा विशेष अर्थ राख्ने बताए । सञ्चालक बराल ग्रन्ड ओपनिङमा सरिक हुन आग्रह गर्दै यसअघि करिब डेढ दशकमा दिएको साथ जस्तै ग्राहकको साथ पाउने अपेक्षा गरिन् । चेरिस्माको ग्रान्ड ओपनिङ पुस २५ देखि माघ २५ सम्म चल्नेछ ।