मुस्ताङमा सिडिओ र डिएसपीलाई कोरोना सक्रमण

समाधान संवाददाता २०७८ माघ ८ गते १४:२९
सांकेतिक फोटो


जोमसोम—

मुस्ताङका प्रमुख जिल्ला अधिकारी नेत्रप्रसाद शर्मा र जिल्ला प्रहरी कार्यालय मुस्ताङका प्रहरी नायव उपरीक्षक रामकुमार दानीलाई कोरोना सक्रमण भएको छ ।

जिल्ला अस्पताल जोमसोममा एक साता अघि एँिन्टजेन बिधिबाट कोरोना परीक्षण गर्दा सिडिओ शर्मा र प्रहरी नायव उपरीक्षक दानीलाई कोरोना सक्रमण पुष्टि भएको जिल्ला प्रहरी कार्यालयका प्रहरी निरीक्षक आशिष अधिकारीले जानकारी दिए । यसको जिल्ला अस्पताल जोमसोमका निमित्त सूचना अधिकारी एकराज बस्नेतले पुष्टि गरे ।

मुस्ताङमा उच्चपदस्थ ब्यक्तिलाई कोरोना संक्रमण पुष्टि भएको पहिलो हो ।सिडिओ शर्मा र प्रहरी नायव उपरक्षक दानी कोराना पुष्टि भएसंगै कार्यालयको कामकाज बन्द गरी अहिले उहाँहरु आफ्नै निवासमा स्वास्थ्य लाभ गरिरहनु भएको जिल्ला प्रहरी कार्यालय मुस्ताङले जनाएको छ ।

कोरोना संक्रमित सिडिओ शर्मा र प्रहरी नायव उपरीक्षक दानीको स्वास्थ्य अवस्था सामान्य रहेको जनाईएको छ ।

तपाईको प्रतिक्रिया