समाधान संवाददाता

स्थानीय तहकाे निर्बाचन आगामी जेठ महिनाकाे ४ गते हुने भएकाे छ । निर्बाचन आयाेग र प्रधानमन्त्रीबीच जेठ ५ भित्र अर्थात ४ गते नै निर्बाचन गर्ने सहमति भएकाे जानकारी प्राप्त भएकाे छ ।

प्रधानमन्त्री शेरबहादुर देउवा र निर्वाचन आयाेगका प्रमुख आयुक्त लगायत आयुक्तहरुकाे बैठक भर्खरै सकिएकाे छ । बैठकमा यस्ताे सहमति भएकाे श्राेतले बतायाे । यद्यपी निर्बाचन आयाेगले केही समयमा विज्ञप्ति जारी गरेर औपचारिक जानकारी गराउने बताइएकाे छ ।

यसअघि पाँच दलीय गठबन्धनले निर्बाचन १ वर्ष ढिला गर्ने तयारी गरेका थिए । तर ब्यापक दवाव पछि सत्तारुढ दलहरु जेठ महिना भित्रै निर्बाचन गर्न तयार भएका थिए ।

सरकार जेठ भित्र गर्न तयार भएपनि आयाेग भने जेठ ५ भित्रै चुनाव गर्नु पर्ने अडानमा थियाे । साेही अनुसार सहमति बनकाे बताइएकाे छ ।