शनिबारसम्म मौसम बिग्रने

समाधान संवाददाता २०७८ माघ २० गते ११:१८

काठमाडौं ।
जल तथा मौसम विज्ञान विभागले भनेको छ—यो साताभरि मौसममा सुधार हुने छैन । विभागको विशेष मौसम बुलेटिनमा न्यून चापीय प्रणालीका कारण आगामी शनिबारसम्म देशका विभिन्न ठाउँमा वर्षा र हिमाली क्षेत्रमा हिमपातको सम्भावना रहेको उल्लेख छ ।

Advertisement


गण्डकीसहित सुदूरपश्चिम, कर्णाली, लुम्बिनी, बागमती र प्रदेश नम्बर १ का उच्च पहाडी र हिमाली भूभागका विभिन्न स्थानमा बिहीबार हल्का हिमपातको सम्भावना छ । पहाडी र तराईका धेरै स्थानमा मेघ गर्जन सहित हल्कादेखि मध्यम वर्षाको सम्भावना रहेको पनि विभागले जनाएको छ । गण्डकी र लुम्बिनीका एक वा दुई स्थानमा शुक्रबार र शनिबार भारी वर्षा समेत हुन सक्ने पूर्वानुमान विभागको छ ।


देशका उच्च पहाडी र हिमाली धेरै स्थानमा शुक्रबार हल्कादेखि मध्यम हिमपात तथा देशका पहाडी र तराईका धेरै स्थानमा मेघ गर्जन सहित चट्याङ र असिना एवं हल्कादेखि मध्यम वर्षा हुने अनुमान छ । यो मौसमी प्रणाली आइतबारदेखि कमजोर हुँदै जाने कारण त्यसपछि मात्रै मौसम खुल्ने विभागको अनुमान छ । विभागले यो अवधिमा चिसोबाट बच्न र हिमपातबाट हुन सक्ने प्रभावबाट जोगिन सतर्क पनि गराएको छ ।

Advertisement


यो मौसमी प्रणालीका कारण हवाई क्षेत्र, पर्वतारोहण, कृषि, यातायातलगायत दैनिक जनजीवनमा समेत असर पर्न सक्ने देखिएको विभागको अनुमान छ । त्यसैले चिसोबाट बच्न र हिमपातबाट हुन सक्ने प्रभावबाट जोगिन आवश्यक सतर्कता अपनाउन पनि विभागको अनुरोध छ ।

तपाईको प्रतिक्रिया