पोखरा ।
दुहली लिन जाँदै गरेका स्याङ्जाको आँधीखोला गाउँपालिका ३का दुलाहा दीपक खत्री चढेको कार पोखराको तालचोकमा दुर्घटनामा परेको छ । उनी सवार ग२च ८५५२ नम्बरको कारलाई शनिबार बिहान पौने १० बजे पछाडिबाट एउटा जिपले ठक्कर दिई सडक किनाराको नालामा पु¥याएको थियो ।

पूर्वी नवलपरासीको गैंडाकोटका लागि जाँदे गरेका दुलाहाको कारलाई ग२च ३११७ नम्बरको जिपले ठक्कर दिएको प्रत्यक्षदर्शीलाई उद्धत गर्दै प्रहरीले जनाएको छ । दुहाला, उनका बुवासहितका यात्रु सकुशल छन् ।

ठक्कर दिएको तरकारी बोक्ने जिप र बेहुला चढेको कार दुवै प्रहरी नियन्त्रणमा रहेको इलाका प्रहरी कार्यालय डाँडाकोनाकमा डिएसपी महेन्द्र मरासिनीले बताए । उनका अनुसार जिप चालक गौतम गुरुङलाई ट्राफिक प्रहरीको जिम्मा लगाइएको थियो । बेहुला र जन्तीहरु भने अर्काे कार व्यवस्था गरी गैंडाकोट लागेका छन् ।