सेकेन्डमा सुन, मिनेटमा काम गरः प्रमुख जिसी

समाधान संवाददाता २०७८ माघ २७ गते १२:३६

लेखनाथ ।
पोखरा महानगरपालिककाका प्रमुख मानबहादुर जिसीले जनताको सेवालाई प्रथामिकता दिँदै सेकेन्डमा सुन्न र मिनेटमा काम सक्न कर्मचारी र जनप्रतिनिधिलाई अनुरोध गरेका छन् । महानगरपालिका स्थापनासँगै सबै वडाको आफ्नै व्यवस्थित भवन बनाउने कार्ययोजना अन्तर्गतपोखरा ३० को खुदीमा बनेको प्रशासनिक भबन बुधबार उद्घाटन गर्दै प्रमुख जिसीले जनप्रतिनिधि र कर्मचारीलाई उत्तरदायी बन्न आग्रह गरे ।

Advertisement


२ करोड १३ लाखमा भवन बनेको हो ।नयाँ भवनबाट प्रदान गरिने सेवा प्रविधिमैत्री र व्यवस्थित हुन सकेमात्र सुखी नेपाली, समृद्ध नेपाल बन्न सक्ने उनको भनाइ छ । महानगरकी उपप्रमुख मञ्जुदेवी गुरुङले वडा कार्यालय जनताको सबैभन्दा बढी जाने कार्यालय भएकाले यसलाई व्यवस्थित बनाउन महानगर लागिरहेको जनाइन् ।


सहरी योजना आयोगका प्रमुख डा रामचन्द्र लामिछानेले जनतामा विकासको प्रत्याभूति हुने खालका योजना ल्याउनका लागि भौतिक पूर्वाधार पनि महत्वपूर्ण भएको उल्लेख गरे । महानगरपालिका घोषणा हँुदा १७ वटा वडा कार्यालय भाडाका भवनमा थिए । अहिले ९ वटा वडामात्रभाडाका भवनमा छन् । पोखरा २,७,११,१२,१९,२२,२९, ३० र ३२ नम्बरमा वडा कार्यालय भवन बनिसकेका छन् भने वडा नं ६,८,१८ र ३१ मा भवन निर्माण भइरहेका छन् ।

Advertisement


पोखरा ३० का वडाध्यक्ष श्रीराम पोखरेलको अध्यक्षतामा भएको कार्यक्रममा वडा सदस्य सोमलाल कँडेल र वडा सचिव दुर्गा न्यौपानेले पनि बोलेका थिए ।

तपाईको प्रतिक्रिया