पोखरा ।
पोखरा महानगरपालिका २८ माझठानाको रत्नशोभा माध्यमिक विद्यालयकी पूर्वअध्यक्ष पदमकुमारी भुर्तेलको निधन भएको छ । उनको माघ २३ गते बिहान ३ बजे आफ्नै निवासमा निधन भएको हो । ८५ वर्षीय पदमकुमारी २ वर्षदेखि रक्तचापको बिरामी भएको रत्नशोभा माध्यमिक विद्यालयका पूर्व अध्यक्ष श्रीकृष्ण लामिछानेले जानकारी दिए ।

कान्छी छोरी शिवकुमारी भुर्तेल (थापा) सँग बस्दै आएकी पदमकुमारी साविक माझठाना गाउँ पञ्चायतमा वडा सदस्य भएकी थिइन् । पञ्चायत कालमा समाजमा भएका विकृति विरुद्ध सामाजिक न्यायको मुद्दा बोकेर समाज परिवर्तनमा उनले आवाज उठाएको लामिछाने बताउँछन् ।

माझठानमै रहेको रत्नशोभा माध्यमिक विद्यालयको व्यवस्थापन समितिको अध्यक्ष रहेर उनले शैक्षिक क्षेत्रमा भवन निर्माणदेखि विद्यालयको शैक्षिक गुणस्तरमा उल्लेखनीय योगदान पु¥याएको लामिछानेले बताए । ‘गाउँमा महिलामध्ये पनि साहसिक महिला हुनुहुन्थ्यो । पञ्चालयका बेला उहाँकै नेतृत्वमा माझठानामा विकास निर्माण धेरै काम भए । महिलाका समस्याको बुलन्द आवाज उहाँले उठाउँदै आउनुभएको थियो,’ लामिछानेले भने । स्वर्गीय भुर्तेलकाका २ छोरी र नातिनातिना छन् ।