राजनिति

मुस्ताङ ः माओवादीको जनयुद्ध दिवस,समाजवादीको एमसीसी बिरोध

समाधान संवाददाता २०७८ फागुन १ गते १६:३०


जोमसोम—

Advertisement

मुस्ताङमा नेकपा माओवादी केन्द्र र नेकपा एकिकृत समाजावदीले अलग÷अलग कार्यक्रम गरेका छन् । माओवादी केन्द्र मुस्ताङले २७ औं जनयुद्ध दिवस र समाजवादीले एमसीसीको बिरोधमा कार्यक्रम गरेका हुन् ।
आईतबार घरपझोङ—३ पुथाङ एअरपोर्ट स्थित पार्टी कार्यालय परिसरमा माओवादीले जनयुद्ध दिवस मनाईएको हो । यस्तै ,समाजवादी पार्टीले जिल्ला प्रशासन कार्यालयमा बिरोध कार्यक्रम आयोजना गरेको हो ।
दिवसका अवसरमा पार्टी कार्यालय भवनमा चियापान कार्यक्रमको आयोजना समेत गरिएको थियो । मौसम प्रतिकुलताका कारण उल्लेख्य कार्यकर्ताको उपस्थिती हुन नसकेपनि दुई दर्जन जिल्ला स्तरीय कार्यकर्ताले सशस्त्र जनयुद्धका क्रममा साहदत प्राप्त गरेका सहिदहरुको सम्झनामा जनयुद्ध दिवस मनाएका हुन् । २०४६ सालको आन्दोलनपछि २०५१ साल फागुन २ गत तत्कालिन सरकार बिरुद्ध नेकपा माओवादीले सशस्त्र जनयुद्ध सुरु गरेको थियो । जनयुद्ध सुरु भएको २७ वर्ष पुगेको छ । यस क्रममा माओवादी केन्द्र देशभर जनयुद्ध दिवस मनाएको हो ।
मुस्ताङमा आयोजित समारोहमा बोल्दै नेकपा माओवादी केन्द्रका प्रदेश कमिटी सदस्य धिरेन्द्र ल्वागुनले नेपालमा गणतन्त्र स्थापना र लोकतान्त्रिक शासन ब्यवस्था कायम गर्न जनयुद्धको महत्वपूर्ण भूमिका रहेको बताए ।

उनले अहिले संघीय शासन ब्यवस्था,धर्मनिरिक्षेपता र समावेशीता जनयुद्धको महत्वपूर्ण उपलब्ध भएको बताए । यस्तै, अर्को प्रदेश कमिटी सदस्य सुकबहादुर विकले जनयुद्धकै बलमा नेपालमा अहिलेको राजनितिक परिवर्तन सम्भव भएको बताए । उनले माओवादी जनयुद्धले नेपाली जनताको हकअधिकार मुखरित भएको उल्लेख गदै अझै जनयुद्धले परिकल्पना गरेको हक अघिकारको सुनिश्चिता हुन नसकेको बताए । यस्तै,नागरिक समाजका अगुवा चन्द्रबहादुर थकालीले माओवादी जनयुद्धकै कारण नेपालमा बिस्तृत शान्ति सम्झौता र गणतान्त्रि शासन ब्यवस्था स्थापित भएको बताए ।
दिवसकै अवसरमा जनयुद्धमा सहित भएका सहितहरुमा श्रद्धान्जली अर्पण गर्दै घाईते अपाङ्गहरुको स्वास्थ्यलाभको कामना गरिएको थियो ।
मुस्ताङमा एमसीसीको बिरोध ः
अमेरिकन मिलियन च्यालेञ्ज कर्पोरशेन ( एमसीसी बिरुद्ध मुस्ताङमा बिरोध प्रर्दशन भएको छ । ‘एमसीसी चाहिदैन ,लागु गर्न पाईदैन ’ भन्ने उदेघोषसहित नेकपा एकिकृत समाजवादी जिल्ला कार्यसमिति मुस्ताङले बिरोध बिरोध प्रर्दशन गरेको हो । एकिकृत समाजवादीको नेता आदी रसाईलीको नेतृत्वमा झन्डै दुई दर्जन कार्यकर्ताले एमसीसीको बिरुद्ध कार्यक्रम गरेका हुन् ।

Advertisement

जिल्ला प्रशासन कार्यालय मुस्ताङको गेटमा धर्ना कार्यक्रम गरिएको थियो । बिरोध प्रर्दशनका क्रममा नेकपा समाजवादी जिल्ला कमिट सदस्य आदित्य रसाईलीले एमसीसी परियोजना नेपालको हितमा नरहेको दावी गरे । उनले ईन्डोप्यासेफिक सैन्य रणनिति अनुसार विकासका नाममा नेपाललाई युद्धको सघारमा पू¥याउने परियोजनाले देशलाई बर्वादीको दिशातर्फ उन्मुख गराउने उल्लेख गरे ।

तपाईको प्रतिक्रिया