पोखरा ।
गायिका तथा नायिका तुलसी क्षेत्रीको नयाँ कोसेली लोक तथा दोहोरी गीतको म्युजिक भिडियो‘मोहनी फुकाइदेऊ’सार्वजनिक भएको छ ।जिसी इन्टरटेन्मेन्ट युट्युब च्यानलमार्फत सार्वजनिक गरिएको गीतमा गायिका क्षेत्रीलाई गायक ईन्द्र जिसी र गायिक पार्वती जिसीले साथ दिएका छन् ।
गीतको शब्द गायिका क्षेत्रीकै हो । गीतको लय तथा एरेन्ज इन्द्र जिसीको छ । भिडियोमा गायिका क्षेत्री, गायक जिसी, गायिका जिसी, गायक प्रदीप त्रिपाठी, गायिका वसन्ती थापामगर, मुन्द्रेमान श्रेष्ठ लगायतले अभिनय गरेका छन् ।

गायिका क्षेत्रीले गीतमाया, प्रेममा केन्द्रीत रहेको जानकारी दिइन् । रुप, सुन्दरता,बोली व्यवहार र आनीबानीले लगाएको मोहनी गीतमा फुकाइदिन आग्रह गरिएको छ । रोचक दोहोरीमा गीतको मर्म अनुसार कलाकारले हाउभाउसहित अभिनय गरेका छन् । भिडियोको निर्देशन होम गुरुङ र छायांकन गणेश सापकोटा र सम्पादन सुवास अम्गाईले गरेका छन् ।

गायिका क्षेत्रीले बाला जोवन, ब्ल्याक एन्ड ह्वाइट, चामल चौलानी, झिलीमिली तिहार, नामर्द पोइ, सानु मायालाई, माइतैमा दिल बस्यो बरी लैे, रोधीघर, मनको माया दिऊला भनेको लगायतका म्युजिक भिडियोमा स्वर दिएकी छन् । घनश्याम लामिछानेले निर्देशन गरेको अग्निदहनबाट चलचित्र क्षेत्रमा डेब्यु गरेकी क्षेत्रीले ‘क्या बात छ, ‘वडा अध्यक्ष, लगायतका चलचित्रमा अभिनय गरेकी छन् ।

पहिल्लो समयमा नायिका क्षेत्रीले श्याम शुक्ला फिल्म प्रोडक्सनको प्रस्तुति घनश्याम लामिछाने र मणिरत्न शर्माले निर्माण र वासुदेव पोखरेलले निर्देशन गरेको हास्य टेली सिरियल कर्कले ‘मामाको चौतारी’मा शीर्ष भूमिकामा अभिनय गरेकी छन् ।