पोखरा महानगरले अधिवक्ता कमल अर्याललाई कानुनी सल्लाहकारबाट पदमुक्त गरेको छ ।

अर्याल ठगी आरोपमा पक्राउ परेपछि मंगलबार राति अबेर महानगरका मेयर मानबहादुर जिसीले उनलाई पदबाट हटाएएको जानकारी दिए ।

अर्यालका विषयमा आएका समाचारबारे ध्यानाकर्षण भएको जनाउँदै मेयर जिसीले घटनाको सत्य, तथ्य छानबिनका लागि प्रशासनलाई अनुरोधसमेत गरेका छन् । उनले भने, ‘घटनाको छानबिनमा असहज परिस्थिति सिर्जना नहोस् भन्नका लागि निज अर्याललर्या कानुनी सल्लाहकारको जिम्मेवारीबाट पदमुक्त गरिएको व्यहोरा जानकारी गराउँदछु ।’

अर्यालले पोखरा महानगरपालिकाबाट भुक्तानी लिएको ५ लाख ७ हजार रुपैयाँ बेरुजु देखाएर महालेखाको प्रतिवेदनले फिर्ता गर्न भनेको छ । महानगरपालिकामा २ जना वकिल छँदाछँदै अर्यालले मुद्दा हेरेर र त्यसबापत पैसा लिएको भन्दै महालेखाले बेरुजु बनाएको हो ।