मुस्ताङमा रौनियार बस सेवाको भाडा अरु भन्दा ३० प्रतिशत सस्तो

समाधान संवाददाता २०७८ फागुन १२ गते १२:३८

जोमसोम—

Advertisement

पछिल्लो समय सरकारले पटक÷पटक पेट्रोलियम पदार्थको मूल्य दिनप्रतिदिन वृद्धि गरेपनि मुस्ताङमा संञ्चालित जीएसआर टूर्स एण्ड ट्राभल्स प्रालि अन्तर्गत रौनियार बस सेवाले यात्रुलाई सस्तो भाडा दरमा यात्रा सहज बनाएको छ । विगत ८ महिनादेखि मुस्ताङका अन्य प्रालिको बस सेवा भन्दा ३० प्रतिशत कम भाडा दरमा यात्रु ओसार—पोसार गर्ने गरेको जनाएकोे छ ।

जीएसआर टूर्स एण्ड ट्राभल्स प्रालिले जोमसोम—पोखरा र जोमसोम—काठमान्डौंसम्मको बस सञ्चालन गर्दैआईरहेको छ ।जसअन्तर्गत प्रालिे जोमसोम—पोखरा ९ सय ५० र जोमसोम—काठमान्डौं १ हजार ६ सय ५० भाडादरमा बस सेवा सञ्चालन गरेको रौनियार बस सेवाका प्रोपाईटर गिरिजा शंकर रौनियारले जानकारी दिए । तत्काल प्रालि अन्तर्गत ३ वटा बसले दैनिक रुपमा सेवा दिदै आईरहेकोे उनले बताए ।

Advertisement

मुस्ताङमा अन्य प्रालि अन्तर्गतका बस सेवाले जोमसोम—पोखरा १ हजार ४ सय र जोमसोम—काठमान्डौं २ हजार ४ सय ५० रुपैया भाडा कायम गरेको र आफुहरुले सस्तो र सर्वसुलभ भाडामा यात्राुलाई आरामदायी सेवा प्रदान गरेको प्रालिका प्रोपाईटर रौनियारले जानकारी दिए । उनले चाँडै प्रालिमा थप बसको संख्या बढाउने तैयारी भईरहेको बताए ।

तपाईको प्रतिक्रिया