पोखरा ।
पोखरा महानगरपालिका २८ कालिका बिमिरापानीमा अवस्थित शिव मन्दिर सेवा समितिको भेलाले मनोहरि पौडेलको अध्यक्षतामा नयाँ कार्यसमिति सर्वसम्मत चयन गरेको छ ।

समितिको उपाध्यक्षमा शंकर पौडेल सचिवमा सफल पौडेल, सहसचिवमा संगीता पौडेल कोषाध्यक्षमा सञ्जय रानाभाट छन् । सदस्यहरूमा श्रीराम पौडेल, रञ्जित पौडेल, सुवास पौडेल, सञ्जय पौडेल छन् । समितिको सल्लाहकारमा दुर्गाप्रसाद पौडेल, रूद्रप्रसाद पौडेल, राधिका पौडेल, नारायणप्रसाद पौडेल, राधिकादेवी पौडेल र बाबुराम राना छन् ।

नव निर्वाचित समितिका अध्यक्ष मनोहरि पौडेलले समितिको पहिलो काम एक वर्षभित्र मन्दिर पुनःनिर्माण गरिने प्रतिबद्धता प्रकट गरे । सबै गाउँबासी दाजुभाइ दिदीबहिनीहरू लगायत सम्बन्धित निकायको सहयोग र साथको जरूरी रहेको उनले औंल्याए । २०३७ सालमा तत्कालीन समाजसेवी शिवप्रसाद पौडेलले स्थापना गरेको उक्त शिव मन्दिर हाल निकै जीर्ण छ ।

उक्त कार्यक्रममा मन्दिर निर्माणका लागि सल्लाहकार दुर्गाप्रसाद पौडेलले २५ हजार, अर्का सल्लाहकार रूद्रप्रसाद पौडेलले १० हजार, समाजसेवी भोजबहादुर रानाभाटले ७ हजार र ९४े वर्षीया विष्णुमाया पौडेलले २ हजार रुपैयाँ सहयोग गर्ने घोषणा गरे ।