जोमसोम—
मुस्ताङको थासाङ गाउँपालिका—२ मानापाथी हिमालको फेंदमा शनिबार बिहान करिव ४ बजे फेरी भिषण हिउँ पहिरो गएको छ । हिउँपहिरोले पुरिएर पानापाथी हिमालको फेदं नजिक खर्कको गोठमा रहेका १५ वटा चौरी मरेको जनाईएको ।
थासाङ—२ नाउँरिकोटकी स्थानीय शुशिला गौचन र उनका भाई नरप्रसाद गौचनको गोठमा रहेका ३९ वटा चौरी मध्ये १५ वटा चौरी हिउँपहिरोमा पुरिएर मरेको थासाङ—२ बोक्सी खोलाका सुजन गौचनले पुष्टि गरे । उनका अनुसार कुल ३९ वटा चौरी मध्ये १४ वटा चौरी जिउँदो भेटिएको र १५ वटा चौरी हिउँपहिरोमा पुरिएर मरेका छन् भने १० वटा चौरी अझै फेला पर्न नसकेको गौचनले जानकारी दिए ।हिउँपहिरोको घटनापछि अहिले त्यसक्षेत्रका स्थानीयबासी र प्रहरीको टोलीले चौरी खोज्ने र घटनाको विवरण संकलन गर्ने काम गरेको उनले बताए ।
थासाङ—२ को गुरुसाङ्वो गुफा माथिको चिप्लुङ लेंकमा नाउरिकोटकी शुशिला गौचन र नरप्रसाद गौचनको चौरी गोठ रहेको थियो ।गोठमा चौरी हेर्ने गोठाला त्यहा नभएको अवस्थामा हिउपहिरो गएको चौरी धनी शुशिला गौचनले बताईन् ।हिउपहिरोले चौरी गोठ पुरै पुरिएको र आफ्नो चौरी गोठमा लाखौका क्षति पुगेको उनले बताईन् । स्थानीय बासिन्दा घरमा सुतिरहेको अवस्थामा हिउँपहिरो गएकाले जनमानसमा त्रास नभएको उनले खुलाईन् ।
यसअघि गत कार्तिकको तेश्रो साता उक्तक्षेत्रमा भिषण हिउँपहिरो गएको थियो । त्यसबेला बिहान करिव ११ बजे हिउँपहिरो गएपछि स्थानीयबासीमा भागदौड मच्चिएको थियो ।थासाङ—२ कोवाङ स्थित जनआदर्श अमरसिंह माध्यमिक विद्यालयका शिक्षक, र विद्यार्थी भागदौड हुँदा ९ जना घाईते भएका थिए ।
त्यसक्षेत्रमा दशकौ देखि पटक÷पटक हिउपहिरो जाने गरेको थासाङ—२ सौरुका स्थानीय सोजन हिराचनले जानकारी दिए । उनले हिउँदयामको चिसो मौसममा पनि हिउँपहिरो जानु अनौठो घटना भएको उनले बताए ।त्यसक्षेत्रमा पटक÷पटक हिउँपहिरो जाने गर्दा खर्कको दर्जनौ गोठमा रहेका याकचौरी जोखिममा परेको उनले बताए ।