पोखराको सभागृहबाट लागूऔषधसहित रोशन पक्राउ

समाधान संवाददाता २०७८ फागुन ३० गते १९:५१

पोखरा ।
पोखरा सभागृहबाट लागुऔषध सहित १ जनालाई प्रहरीले पक्राउ गरेको छ ।

Advertisement

जिल्ला प्रहरी कार्यालय कास्कीबाट खटिएको टोलीले शनिबार भारत मोतिहारी स्थानी घर भएका एक जनालाई पक्राउ गरेको जिल्ला प्रहरी कार्यालय कास्कीका डिएसपी सुन्दर तिवारीले बताए । पक्राउ पर्नेमा कास्की पोखरा महानगरपालिका वडा नम्बर ८ बस्दै आएको भारत घर भएका रोशन कुमार गुप्ता हुन् ।


१९ वर्षीय रोशन पोखराको सभागृहमा बस्दै आएका थिए । उनको साथबाट प्रहरीले लागू औषध डाईजापाम ५७ एम्पुल, फेनेरागन ५७ एम्पुल र नुर्फिन ५७ एम्पुल बरामद गरेको छ ।

Advertisement

डिएसपी तिवारीको अनुसार रोशनको साथबाट १ थान मोबाइल बरामद गरेको छ । उनलाई पक्राउ गरी कास्की जिल्ला अदालतबाट लागू औषध मुद्दामा दिन आठ म्याद थप गरेर अनुसन्धान अगाडि बढाइरहेको डिएसपी तिवारीले बताए ।

तपाईको प्रतिक्रिया