पोखरा लेकसाइडबाट हत्या गरेर फरार पक्राउ

समाधान संवाददाता २०७८ चैत ११ गते ९:३८

पोखरा ।
जिल्ला प्रहरी कार्यालय कास्कीले हत्या गरेर फरार रहेका १ जनालाई पक्राउ गरेको छ । पक्राउ पर्नेमा ब्ल्याक ब्वाई ग्रुपका दीपक विक भनेर चिनिने शिरिष विश्वकर्मा छन् ।

Advertisement


पर्वतको मोदी ८ चित्र बस्ने २५ वर्षीय उनी घटनापछि भारत लगायतका ठाउँमा गएर लुकेको जिल्ला प्रहरी कार्यालय कास्कीका डिएसपी सुन्दर तिवारीले बताए । उनले २०६९ कात्तिक २५ गते नेसनल स्कुलमा कक्षा १० मा पढ्ने मिथुन विकको हत्या गरेका थिए ।


छोराका योजनाबद्ध हत्या भएको भन्दै मिथुनको परिवारले २२ जना विरुद्ध जिल्ला प्रहरी कार्यालयमा जाहेरी दिएको थियो । विश्वकर्मालाई प्रहरीले चैत ९ गते पक्राउ गरेको होे । दीपक विरुद्ध फौजदारी अपराध संहिता २०७४ को परिच्छेद १२ मा भएको ज्यानसम्बन्धी कसुरसम्बन्धी मुद्दा दर्ता भएको छ ।

Advertisement

तपाईको प्रतिक्रिया