बुढाथोकी, केसी र शर्मा प्याब्सनमा निर्वाचित

समाधान संवाददाता २०७८ चैत १२ गते १३:४०

पोखरा ।
निजी तथा आवासीय विद्यालयहरुको छाता संस्था प्याब्सनको नेतृत्व तहमा पोखरामा ३ जना निर्वाचित भएका छन् । प्याब्सनको १५ औं राष्ट्रिय महाधिवेशन हालै काठमाडौंमा भएको थियो । त्यही महाधिवेशनबाट खुला उपाध्यक्षमा वीरबहादुर बुढाथोकी निर्वाचित भएका छन् । प्याब्सन कास्कीका सल्लाहकारसमेत रहेका उनी गोल्डेन फ्युचर बोर्डिङ स्कुलका सञ्चालक हुन् ।

Advertisement


कृष्णबहादुर केसी प्याब्सनको गण्डकी प्रदेश उपाध्यक्ष निर्वाचित भएका छन् । पोखरा पब्लिक स्कुलका उनी प्याब्सन कास्कीका पूर्व अध्यक्ष हुन् । लेखनाथको खुदीस्थित गोल्डेन नेचर स्कुलका प्रेमप्रसाद शर्मा प्याब्सनको केन्द्रीय सदस्य निर्वाचित भएका छन् । प्याब्सन कास्की निवर्तमान जिल्ला उपाध्यक्ष शर्मा प्रमुख सल्लाहकारसमेत हुन् ।


महाधिवेशनले आगामी ३ वर्षका लागि डिके ढुंगानाको अध्यक्षतामा नयाँ कार्यसमिति निर्वाचित गरेको छ । महाधिवेशनमा २ हजार ३ सय प्रतिनिधि सहभागी थिए । प्याब्सन कास्की अधयक्ष मथुराप्रसाद पौडेलले कास्कीले प्याब्सनको केन्द्रीय तहमा गर्विलो उपस्थिति जनाउनु सुखद भएको बताएका छन् ।

Advertisement

तपाईको प्रतिक्रिया