पोखरा ।

हिमाल कलेज अफ म्यानेजमेन्टमा ‘ट्यालेन्ट सो’ तथा पुरस्कार वितरण कार्यक्रम सम्पन्न भएको छ । कलेजको अतिरिक्त कार्यक्रम अन्तर्गत विद्यार्थीको प्रतिभा प्रस्फुटन साथै विभिन्न समयमा आयोजना गरिएको कार्यक्रममा उत्कृष्ट हुने विद्यार्थीलाई पुरस्कार वितरण गरिएको हो ।

पोखराको ख्यातिप्राप्त म्यानेजमेन्ट कलेज हिमाल कलेजले विद्यार्थीहरुलाई प्रयोगात्मक शैलीबाट अध्यापन साथै प्रतिभा प्रस्फुटनका कार्यक्रम आयोजना मासिक तथा वार्षिक रुपमा आयोजना गर्दै आएको छ । कलेजका प्रमुख हरि कार्कीका अनुसार विभिन्न समयमा आयोजना गरिएका कार्यक्रममा उत्कृष्ट प्रस्तुति दिने विद्यार्थीलाई प्रोत्साहन स्वरुप पुरस्कार वितरण गरिएको हो ।

कार्यक्रममा क्याम्पस प्रमुख हरि कार्कीसहित जनक पौडेल, मणि डुम्रे, लीला पराजुली, चेतनाथ भण्डारी, विनोद गिरी, सुदन मुल्मीले विद्यार्थीहरुलाई प्रोत्साहित गर्दै आफ्नो भनाइ राखेका थिए ।