पोखरा ।
जिल्ला प्रहरी कार्यालय कास्कीमा कार्यरत तीन जना प्रहरी निरिक्षक (इन्स्पेटर)को सरुवा भएको छ । प्रहरी प्रधान कार्यालयले एकैपटक ६ सय ७३ जना प्रहरी निरीक्षकको सरुवा गरेको हो । यसमध्ये जिल्ला प्रहरी कार्यालय कास्कीमा कार्यरत इन्स्पेटर दिपक केसी, खगेन्द्र अधिकारी र मुकेश न्यौपानेको सरुवा भएका हुन् ।

केसीको वडा प्रहरी कार्यालय नारायणगढ चितवन सरुवा भएको छ । उनलाई त्यहाँको वडा इन्चार्जको जिम्मा दिएको छ । अधिकारीको पर्वत जिल्लामा सरुवा भएको छ । अधिकारीलाई इलाका प्रहरी कार्यालय हुवासमा इलाका इन्चार्जको जिम्मेवारीमा दिएको छ ।

न्यौपानेको जिल्ला प्रहरी कार्यालय सिन्धुपाल्चोककाे बाह्र्बिसेमा सरुवा भएको हो । न्यौपानेलाई इलाका प्रहरी कार्यालय बाह्र्बिसे इन्चार्जको रुपमा खटायको छ ।

स्थानीय तहको निर्वाचन पूर्व प्रहरी महानिरीक्षक शैलेश थापाको निर्णय अनुसार प्रहरी निरिक्षकको सरुवा गरिएको हो । सरुवा भएका इन्स्पेटरहरुलाई बैशाख महिनाको तलब भत्ता, हाल सरुवा भएको ठाउँमा पाउने गरी सरुवा भएको हो । प्रहरी प्रधान कार्यलयले अन्य जिल्लाबाट जिप्रकामा ३ जना पठाएको छ । जिप्रका सरुवा हुनेमा ज्ञान बहादुर खड्का, सरला गिरि र श्रीप्रसाद तिमिल्सिना छन् ।