उद्धारका लागि फेवा किनारमा सेट घर

समाधान संवाददाता २०७९ वैशाख ५ गते १०:४७

पोखरा l
पोखराको फेवातालमा जलजन्य विपत उद्धारका लागि खटिएका नेपाली सेनाका जवानका लागि सेट घर बन्ने भएको छ । नेपाली सेनाले सेट घर निर्माण कार्य सुरु गरको हो । मध्य कमान्ड हेड क्वाटरका कमाण्डपति उपरथि बाबुराम श्रेष्ठले पोखरेली र पोखरा घुम्न आउने पर्यटकको आवश्यकता र चासोलाई मध्यनजर गरी सो घर निर्माण अनिवार्य भएको बताए । सेट घर रत्न मन्दिर परिसर र बाराही घाट नजिक छ ।

Advertisement

३२ लाख लागत अनुमान गरिए पनि नेपाली सेनाले श्रमदानले आधा रकम कम हुनेछ । घर निर्माणका लागि कुनै लिखित बजेट नभए पनि विभिन्न संघ, संस्थाले केही सहयोग गर्ने भएका छन् । जसमा होङ्सी सिमेन्टले ३ सय बोरा सिमेन्ट सहयोग गरिसकेको छ । गण्डकी प्रदेश सरकार, पोखरा महानगर, कास्की जिल्ला हार्डवयर एसोसियसन लगायतले सहयोगका लागि प्रतिबद्धता जनाएका छन् ।

तालमा हुन सक्ने दुर्घटना न्यूनीकरण गर्न नेपाली सेनाले उद्धार टोलीलाई ताल किनारमा राख्दै आएको छ । त्यस्तो टोली हालसम्म पनि पालकै भरमा छ । गत चैत ८ गते पोखरा घुम्न आएका २३ पर्यटक फेवातालमा आएको छालका कारण तालमा फसेका थिए । उनीहरुलाई नेपाली सेनाको उद्धार टोलीले सकुशल उद्घार गर्न सफल भएको मध्य कमाण्डका सूचना अधिकृत प्रमुख सेनानी प्रेमप्रसाद पौडेलले बताए ।

Advertisement

तपाईको प्रतिक्रिया