लेखनाथ l
वैशाख ३० गते हुने स्थानीय तहको निर्वाचनका लागि पाटीले उमेदवार तय गरिसकेका ठाउँमा पार्टीहरुले चुनाव प्रचारप्रसार थालेका छन् ।

रुपा गाउँपालिकामा नेकपा एमालेले अध्यक्षमा नवराज ओझ र उपप्रमुखमा लालसुब्बा गुरुङलाई दोहोर्‍याउने निर्णयसँगै कही वडामा पनि सर्वसम्म्त रुपमा वडाअध्यक्षसहित सदस्य पदका उमेदवार चयन भएका छन् । रुपमा एमालेको घरदैलो अभियान सुरु भएको छ ।

रुप गाउँपालिकामा रहेका ७ वडामध्ये रुपा २ मा चुनावी प्रचारप्रसार अभियान चलिरहेको वडाअध्यक्षका उमेदवार राजन सुवेदीले जानकारी दिए । १ हजार २ सय ३८ मतदाता रहेको रुपा २ का लागि नेकपा एमालेको तर्फबाट वडाध्यक्षमा राजन सुवेदी र सदस्यमा अनिता राना, रामबाबु सुवेदी, हिता रुपाखेती र रामचन्द्र ओझा सर्वसम्मत सिफारिस भएका छन् ।

चुनावी प्रचारप्रसारकै अभियान अन्तर्गत मंगलबार रुपा २ को थुम्की र सिर्कुतान क्षेत्रमा उम्मेदवारसहित नेकपा एमालेले घरदैलो गरेको छ । रुपा २ मा यसअघि वडाध्यक्ष काग्रेस र सदस्यहरु एमालेबाट चुनिएका थिए ।