पोखरा ।
पोखरा महानगरपालिका वडा नम्बर २६ को वडाअध्यक्षका लागि आइतबार नारायणप्रसाद लामिछानेले स्वतन्त्र उम्मेदवारी दर्ता गराएका छन् । लामिछानेको उम्मेदवारी दर्तामा समर्थकमा यादव प्रसाद र प्रस्तावकमा चन्द्रबहादुर लामिछाने बसेका छन् । उनले बिहानै १० बजे मुख्य निर्वाचन कार्यालयका सूचना अधिकृत निल पनेरुले जानकारी दिए । पनेरुका अनुसार ११ : ४० सम्म १० जनाले उम्मेदवारी दर्ता गरीसकेकाे बताए ।

निर्वाचन कार्यक्रम अनुसार, आगामी ११ र १२ वैशाखमा उम्मेदवारी दर्ता गर्ने मिति तोकेको छ । यसका लागि बिहान १० देखि साँझ ५ बजेसम्मको समय तोकिएको छ । सम्बन्धित स्थानीय तहमा रहेको निर्वाचन अधिकृतको कार्यालयमा गएर उम्मेदवारी दिन सकिने छ । सरकारले आगामी ३० वैशाखमा स्थानीय चुनाव गर्ने घोषणा गरेको हो । त्यसका लागि निर्वाचन आयोगले तयारी गरिरहेको छ । आयोगले १२ वैशाख साँझ ५ बजेपछि उम्मेदवारको नामावली सार्वजनिक गर्नेछ भने भोलिपल्ट उम्मेदवार विरुद्ध उजुरी दिने समय तोकेको हो ।