पोखरा ।

पाेखरा २६ मा नेकपा एमालेकाे नेपाल राष्ट्रिय भूतपूर्व सैनिक तथा प्रहरी संगठनले शुभकामना आदानप्रदान कार्यक्रम गरेको छ । कार्यक्रमकाे प्रमुख अतिथि नेपाल राष्ट्रिय भूपू सैनिक तथा प्रहरी संगठनका केन्द्रीय सदस्य भीमप्रसाद लामिछाने थिए ।

लामिछानेले सूर्यध्वजाबाहक उम्मेदवार लाई जिताउन कुनै पनि कसर नराख्ने बताए । अतिथिमा नेकपा एमाले कास्की जिल्ला सदस्य रमेश रानाभाट, वडा कमिटी अध्यक्ष रामचन्द्र तिमिल्सिना, वडा नम्बर २६ का वडा अध्यक्ष नारायणप्रसाद बराल, नेपाल राष्ट्रिय भूतपूर्व सैनिक तथा प्रहरी संगठनका जिल्ला कमिटी सदस्य वसन्त बन्जरा, कृष्ण सुवेदी, डिल्लीराम लामिछाने, वडा कमिटीका सचिव सूर्यप्रकाश ढुंगाना लगायतले बोलेका थिए । कार्यक्रमकाे सभापतिमा भूपू सैनिक तथा प्रहरी वडा कमिटीका अध्यक्ष भीमनाथ अधिकारीले गरेका थिए । कार्यक्रम सञ्चालन सचिव राजु अधिकारीले गरेका थिए ।